आर्थिक विवंचनेतून नृत्यांगनेची आत्महत्या

 आर्थिक विवंचनेतून २५ वर्षीय नृत्यांगनेने आत्महत्या केली. ही खळबळजनक घटना पारडीतील शिवशक्तीनगर भागात शनिवारी रात्री उघडकीस आली. कीर्ती आकाश गायकवाड, असे मृत नृत्यांगनेचे नाव आहे.

 



नागपूर:

आर्थिक विवंचनेतून २५ वर्षीय नृत्यांगनेने आत्महत्या केली. ही खळबळजनक घटना पारडीतील शिवशक्तीनगर भागात शनिवारी रात्री उघडकीस आली. कीर्ती आकाश गायकवाड, असे मृत नृत्यांगनेचे नाव आहे. कीर्तीच्या आत्महत्येने नागपुरातील सांस्कृतिक क्षेत्रात खळबळ उडाली आहे.


कीर्ती ही नृत्यांगना होती. ती विविध सांस्कृतिक कार्यक्रमांमध्ये सहभागी व्हायची. पोलिसांनी दिलेल्या माहितीनुसार, २१ महिन्यांपूर्वी तिचे आकाश याच्यासोबत लग्न झाले. आकाश हा फर्निचरचे काम करतो. गतवर्षी लॉकडाउनमुळे सांस्कृतिक कार्यक्रम बंद झाले. तिच्या पतीलाही काम मिळणे कमी झाले. त्यामुळे कीर्तीला आर्थिक समस्या भेडसावू लागली. आर्थिक परिस्थितीला कंटाळून कीर्तीने शनिवारी सायंकाळी खिडकीला ओढणी बांधून गळफास घेतला. शेजाऱ्याला ती गळफास लावलेली दिसताच त्याने पारडी पोलिसांना माहिती दिली. माहिती मिळताच पोलिस हेडकॉन्स्टेबल हेमलाल कोंडे यांच्यासह पोलिसांचा ताफा तेथे पोहोचला. पंचनामा करून पोलिसांनी कीर्तीचा मृतदेह मेयो हॉस्पिटलकडे रवाना केला. पारडी पोलिसांनी आकस्मिक मृत्यूची नोंद करून तपास सुरू केला आहे. १५ दिवसांपूर्वी ती सक्करदऱ्यातील एका कापडाच्या दुकानात कामाला लागली होती, असेही कळते. दरम्यान, शनिवारी एका कलावंताने हाताची नस कापून आत्महत्येचा प्रयत्न केला. तर, काही दिवसांपूर्वीही अन्य एका कलावंतानेही आत्महत्येचा प्रयत्न केला होता.



Post a Comment

0 Comments
* Please Don't Spam Here. All the Comments are Reviewed by Admin.

Ads Area