पुणे : पैसे न दिल्यामुळे दुकानदारावर कोयत्याने वार

 खर्चासाठी पाचशे रुपये न दिल्याचा राग आल्याने एकाने विश्रांतवाडीतील 'शांती हार्डवेअर अँड इलेक्ट्रॉनिक' दुकानाच्या मालकावर रविवारी दुपारी एकच्या सुमारास कोयत्याने वार केले.



पुणे :
 
खर्चासाठी पाचशे रुपये न दिल्याचा राग आल्याने एकाने विश्रांतवाडीतील 'शांती हार्डवेअर अँड इलेक्ट्रॉनिक' दुकानाच्या मालकावर रविवारी दुपारी एकच्या सुमारास कोयत्याने वार केले. या प्रकरणी विश्रांतवाडी पोलिसांनी आरोपीला अटक केली.

विनोद उत्तम पवार (वय ३५, रा. रामगड वस्ती, कळस गाव, विश्रांतवाडी) असे अटक केलेल्याचे नाव आहे. या प्रकरणी संजय लक्ष्मण गोयल (वय २८, महालक्ष्मीविहर सोसायटी, विश्रांतवाडी) यांनी तक्रार दिली. गोयल या घटनेत गंभीर जखमी आहेत. पोलिसांनी दिलेल्या माहितीनुसार, संजय गोयल यांचे विश्रांतवाडीतील कळसमध्ये हार्डवेअर व इलेक्ट्रॉनिक दुकान आहे. आरोपी विनोद पेंटिंगचे कामे करतो. तो नेहमी संजय यांच्या दुकानात पेंटिंगचे साहित्य घेण्यासाठी जात होता. त्यामुळे त्यांच्यात ओेळख झाली होती. रविवारी दुपारी एकच्या सुमारास विनोद संजय यांच्या दुकानात गेला. त्याने संजय यांच्याकडे पाचशे रुपये मागितले. मात्र, धंदा झाला नसल्याने संजय यांनी त्याला पैसे देण्यास नकार दिला. त्याचा राग आल्याने, 'थांब तुझा जीवच घेतो,' अशी धमकी देऊन, विनोद तेथून निघून गेला. त्यानंतर काही वेळातच तो कोयता घेऊन परत आला. पैसे न दिल्याच्या रागातून त्याने संजय यांच्या मानेवर कोयत्याने वार केला आणि पसार झाला. या हल्ल्यात संजय गंभीर जखमी झाले आहेत. त्यांच्यावर खासगी रुग्णालयात उपचार सुरू आहेत. या प्रकरणी विश्रांतवाडी पोलिस अधिक तपास करीत आहेत.

Post a Comment

0 Comments
* Please Don't Spam Here. All the Comments are Reviewed by Admin.

Ads Area