गजा मारणेची न्यायालयात याचिका

 



मुंबई:

खुनाच्या गुन्ह्यात निर्दोष ठरल्याने नवी मुंबईतील तळोजा तुरुंगातून सुटका झाल्यानंतर कारच्या ताफ्यातून मिरवणूक काढल्याप्रकरणी व प्रचंड गर्दी जमवल्याप्रकरणी नोंद झालेला गुन्हा रद्द करण्यासाठी कुख्यात गुंड गजानन ऊर्फ गजा मारणे याने मुंबई उच्च न्यायालयात धाव घेतली आहे.

न्या. संभाजी शिंदे व न्या. मनीष पितळे यांच्या खंडपीठासमोर मारणेच्या वकिलांनी याचिकांविषयी प्राथमिक माहिती दिली. तेव्हा, याचिकादाराविरोधात एक-दोन नव्हे तर आठ एफआयआर दाखल असल्याची माहिती सरकारी वकिलांनी दिली. त्यानंतर याप्रश्नी गुरुवारी सुनावणी घेण्याचे संकेत खंडपीठाने दिले.

पुण्यातील दोन हत्यांच्या प्रकरणातून सुटका झाल्यानंतर मारणे याने जवळपास ३०० वाहनांच्या ताफ्यासह मिरवणूक काढली होती. तळोजा तुरुंगाबाहेरही त्याच्या समर्थकांनी मोठी गर्दी केली होती. मुंबई-पुणे एक्स्प्रेस वेवरून मिरवणूक काढण्यात आली. यादरम्यान त्याच्या साथीदारांनी उर्से टोलनाक्यावर फटाकेही फोडून गदारोळही केला होता. शिवाय या साऱ्याचे ड्रोन कॅमेऱ्याच्या साह्याने चित्रिकरण करून ते सोशल मीडियावर व्हायरलही केले होते. त्यामुळे या प्रकरणात पोलिसांनी गजा मारणेसह अनेकांविरोधात विविध पोलिस ठाण्यांत एफआयआर नोंदवले आहेत.

Post a Comment

0 Comments
* Please Don't Spam Here. All the Comments are Reviewed by Admin.

Ads Area