धक्कादायक! दारूसाठी पैसे न दिल्याने पत्नीचे नाक आणि ओठ कापले

 



जोधपूर : राजस्थानच्या जोधपूरमध्ये खळबळजनक घटना घडली आहे. दारूड्या पतीने धारदार शस्त्राने आपल्या पत्नीचे नाक आणि ओठ कापले. दारूसाठी पत्नीने पैसे दिले नाहीत म्हणून त्याने हे कृत्य केले. जखमी अवस्थेत महिलेला रुग्णालयात दाखल करण्यात आले आहे. महिलेने रुग्णालयातूनच पोलिसांना फोन करून या घटनेची माहिती दिली

जोधपूरच्या प्रतापनगर परिसरात ही घटना घडली. पोलिसांच्या माहितीनुसार, ४५ वर्षीय महिलेने ही माहिती स्वतः पोलिसांना दिली. पती सकाळपासून रात्रीपर्यंत दारू पितो. संध्याकाळी त्याने दारूसाठी पैसे मागितले. त्यावर महिलेने त्याला पैसे दिले नाहीत. यावरून तो चिडला आणि त्याने धारदार शस्त्राने तिच्या नाकावर आणि ओठांवर वार केले. यात ती गंभीर जखमी झाली. त्यानंतर तिला रुग्णालयात दाखल करण्यात आले.

मिळालेल्या माहितीनुसार बाबुलाल याने महिलेला सोडले होते. गेल्या काही दिवसांपासून महिला अन्य एका व्यक्तीसोबत राहत होती. त्या व्यक्तीचे काही दिवसांपूर्वी निधन झाले होते. त्यानंतर बाबुलाल पुन्हा तिच्यासोबत राहू लागला. आरोपीला दारूचे व्यसन असून, तो महिलेला मारहाण करतो. बाबूलाल याने महिलेला दारूच्या नशेत मारहाण केली. त्याने तिच्याकडे दारूसाठी पैसे मागितले. तिने देण्यात नकार दिला. त्यावर चिडलेल्या बाबूलालने तिच्या नाकावर आणि ओठांवर वार केले. महिलेच्या तक्रारीनंतर पोलिसांनी आरोपीला अटक केली. त्याच्याविरोधात हत्येचा प्रयत्न केल्याचा गुन्हा दाखल केला आहे. या संपूर्ण घटनेचा तपास सुरू आहे, अशी माहिती पोलिसांनी दिली.

Tags

Post a Comment

0 Comments
* Please Don't Spam Here. All the Comments are Reviewed by Admin.

Ads Area