Satara News: पती-पत्नीचे भांडण सोडवायला पोलीस कॉन्स्टेबल गेला अन्...

 पती-पत्नीचे भांडण सोडवण्यासाठी गेलेल्या पोलीस कॉन्स्टेबललाच मारहाण झाल्याची घटना सातारा येथील जावळी तालुक्यातील हुमगाव येथे घडली. या प्रकरणी आरोपीला अटक...



सातारा: जावळी तालुक्यातील हुमगाव येथे पती-पत्नीचे भांडण सोडवण्यासाठी गेलेल्या पोलीस कॉन्स्टेबल पद्मसेन संभाजीराव घोरपडे (वय २८) यांनाच महिलेच्या पतीने मारहाण केली. यात ते जखमी झाले. या प्रकरणी संतोष व्यंकट पवार (रा. हुमगाव) याच्याविरोधात कुडाळ पोलिसांनी गुन्हा दाखल केला आहे.

पोलिसांनी दिलेल्या माहितीनुसार, काल, सकाळी ९ वाजता सातारा येथील मुख्यालयात जावळी तालुक्यातील हुमगाव येथील अश्विनी संतोष पवार हिने फोन केला. पती संतोष पवार हा मारहाण करत आहे, मला मदत करावी, असे तिने सांगितले. त्यानंतर सातारा पोलीस मुख्यालयातून कुडाळ पोलीस ठाण्यात यासंदर्भात कळवण्यात आले. महिलेला तिचा पती मारहाण करत असल्याची तक्रार असून, त्याची खात्री करून पुढील कारवाई करावी, असे आदेश आल्यानंतर कुडाळ पोलीस ठाण्यातील पद्मसिंह संभाजीराव घोरपडे यांनी हुमगाव येथील या घटनेची माहिती घेतली.

कॉन्स्टेबल घोरपडे हे घटनास्थळी पोहोचले. पती-पत्नी यांच्यात भांडण सुरू होते. ते सोडवण्यासाठी गेले असता, संतोष पवार याने कॉन्स्टेबल घोरपडे यांनाच मारहाण केली. यात ते जखमी झाले. आरोपी पवार याला अटक करण्यात आली असून, सहायक पोलीस निरीक्षक कदम हे अधिक तपास करत आहेत.

Post a Comment

0 Comments
* Please Don't Spam Here. All the Comments are Reviewed by Admin.

Ads Area