pravin-darekar-criticizes-thackeray-government-over-mpsc-student-swapnil-lonkars-suicide




 औरंगाबाद : कोरोना आणि लॉकडाऊनच्या काळात औरंगाबाद प्रशासनाच्या निर्णयाला जोरदार विरोध करणारे AIMIMचे खासदार इम्तियाज जलील पुन्हा एकदा चर्चेत आले आहेत. यावेळी त्यांनी औरंगाबाद प्रशासनाच्या कुठल्या निर्णयाला विरोध केला नाही तर थेट कोरोना नियमावलीलाच हरताळ फासल्याचं पाहायला मिळत आहे. खुलताबाद परिसरातील एका कव्वालीच्या कार्यक्रमात खासदार इम्तियाज जलील सहभागी झाले. इतकंच नाही तर त्यांच्यावर नोटांची मोठ्या प्रमाणात उधळण केली जात असल्याचा एक व्हिडीओ सध्या चांगलाच व्हायरल होत आहे. (Imtiaz Jalil’s participation in Qawwali program in Khultabad)

कोरोनाच्या डेल्टा व्हेरिएंटच्या पार्श्वभूमीवर औरंगाबादेत विकेंड लॉकडाऊन जाहीर करण्यात आला आहे. असं असताना खुलताबाद परिसरात कव्वालीच्या एका कार्यक्रमाचं आयोजन करण्यात आलं होतं. कव्वालीच्या या कार्यक्रमात खासदार इम्तियाज जलीलही सहभागी झाले. त्याचबरोबर जलील जेव्हा व्यासपीठावर गेले तेव्हा त्यांच्यावर मोठ्या प्रमाणात नोटांची उधळणही करण्यात येत असल्याचं या व्हिडीओमध्ये पाहायला मिळत आहे. इम्तियाज जलील यांचा हा व्हिडीओ सध्या चांगलाच व्हायरल होत आहे. विविध राजकीय पक्षांच्या नेत्यांकडून या व्हिडीओबाबत आता काय प्रतिक्रिया येतील हे पाहणं महत्वाचं ठरणार आहे.

खासदार इम्तियाज जलील यांच्यावर गुन्हा

शासकीय कामात अडथळा अणल्याप्रकारणी खासदार इम्तियाज जलील यांच्यावर गुन्हा दाखल करण्यात आलेला आहे. दुकानांना सील ठोकल्यामुळे खासदार इम्तियाज जलील हे भडकले आणि त्यांनी 1 जून रोजी कामगार कार्यालयात जाऊन अधिकाऱ्यांची चांगलीच खरडपट्टी काढली होती. त्यानंतर त्यांच्यावर ही कायदेशीर कारवाई करण्यात आली आहे. इम्तियाज जलील यांच्यासह 24 दुकानदारांवरही गुन्हा दाखल करण्यात आला आहे. अवाजवी दंड ठोठावल्या प्रकरणी इम्तियाज जलील हे कामगार कार्यालयात गेले होते. याचा व्हिडीओ समोर आला होता.

‘मुंबईतील एका मंत्र्याच्या सांगण्यावरुन माझ्यावर गुन्हा’

खासदार इम्तियाज जलील यांनी मुंबईतील एका मंत्र्याच्या सांगण्यावरून आपल्यावर गुन्हा दाखल करण्यात आल्याचा आरोप केलाय. ‘मी कुठलीही दंगल केली नाही किंवा कुठलेही शास्त्र बाळगला नाही, तरीसुद्धा माझ्यावर ते कलम लावण्यात आलंय. मात्र, त्या सगळ्या अधिकाऱ्यांना आणि इतरांना मी सांगतो की, माझ्यातला पत्रकार अजून मेला नाही. संसदेमध्ये मी या सगळ्यांना उघडे पाडेन, असा इशारा इम्तियाज जलील यांनी राज्य सरकारला दिलाय.


Post a Comment

0 Comments
* Please Don't Spam Here. All the Comments are Reviewed by Admin.

Ads Area