नाशिक : बालकाचा खून करून महिलेची आत्महत्या

 

सिडको: पाथर्डी फाटा परिसरातील महिलेने गळफास घेत आत्महत्या केली असून, पोलिसांना साडेतीन वर्षीय मुलाचाही मृतदेह घरात आढळला आहे. दरम्यान मुलाचा खून करून महिलेने आत्महत्या केली असावी, अशी शक्यता पोलिसांनी वर्तवली आहे. यापूर्वी दिंडोरी तालुक्यात गुरुवारी सात वर्षीय मुलाचा खून करून एका महिलेने आत्महत्या केली होती.


शिखा सागर पाठक (वय ३२) व साडेतीन वर्षीय रेहान (रा. साईसिद्धी अपार्टमेंट, हॉटेल एक्स्प्रेस इनच्या मागे) हिने सोमवारी (दि. ९) रोजी घरात आईवडील हॉलमध्ये बसलेले असताना बेडरूमचा दरवाजा बंद करून गळफास घेतला. घटनेची माहिती मिळताच पोलिस उपायुक्त विजय खरात, सहाय्यक आयुक्त सोहेल शेख, इंदिरानगर पोलिस ठाण्याचे वरिष्ठ पोलिस निरीक्षक नीलेश माईनकर आदी घटनास्थळी दाखल झाले. बेडरूमचा दरवाजा उघडला असता पोलिसांना साडेतीन वर्षीय रेहान बेडरूममध्ये मृतावस्थेत आढळला. प्रथमदर्शनी बालकाच्या तोंडावर उशी दाबून खून केला असावा. त्यानंतर महिलेने आत्महत्या केली असावी, असा अंदाज पोलिसांनी व्यक्त केला आहे. मृतदेहाजवळ पोलिसांना सुसाइड नोट आढळली असून, त्यात कोणालाही जबाबदार धरण्यात आलेले नाही. महिलेच्या आईवडिलांनी अद्याप तक्रार केलेली नाही. पोलिसांनी दोन्हीही मृतदेह शवविच्छेदनासाठी शासकीय रुग्णालयात पाठविले आहेत. वरिष्ठ निरीक्षक माईनकर तपास करीत आहेत.

Post a Comment

0 Comments
* Please Don't Spam Here. All the Comments are Reviewed by Admin.

Ads Area