हडपसरमध्ये तरुणावर कोयत्याने वार; चौघांवर गुन्हा दाखल

पुणे : पूर्ववैमनस्यातून काळेपडळ येथील भाई म्हणवून घेणाऱ्याने तरुणावर कोयत्याने वार करुन त्याच्या खुनाचा प्रयत्न केला. याप्रकरणी हडपसर पोलिसांनी चौघांविरुद्ध गुन्हा दाखल केला आहे.  योगेश कुंदर (वय २५), मुन्ना बलाडे (वय १९), अनिकेत कुंदर (वय २०) आणि चेतन कांबळे (वय २०, सर्व रा़ नाईकनवरे बिल्डिंग, काळेपडळ, हडपसर) अशी गुन्हा दाखल झालेल्यांची नावे आहेत. याप्रकरणी सौरभ दत्तात्रय चौतमहल (वय २०, रा़ नाईकनवरे सोसायटी, काळेपडळ, हडपसर) याने हडपसर पोलीस ठाण्यात फिर्याद दिली आहे. 

सौरभ व त्याचे मित्र लखन कासले व नामदेव सोडगे हे काळेपडळ रोडवरील समृद्धी रेस्टॉरंटसमोर रविवारी दुपारी बोलत थांबले होते. त्यावेळी आरोपी तेथे आले़. त्यांनी सौरभ याला जवळ बोलावून जुन्या भांडणाच्या कारणावरुन शिवीगाळ करुन कोयत्याने सौरभच्या हातावर व डोक्यात वार केले. तसेच इतरांनी दगडाने व लाथाबुक्क्यांनी मारहाण करुन जीवे मारण्याचा प्रयत्न केला.


मारहाण करताना कुंदर याने ‘मी या गल्लीतला भाई आहे,’ असे हत्यारासह ओरडून परिसरात दहशत निर्माण केली. हडपसर पोलिसांनी चौघांविरुद्ध खुनाचा प्रयत्न केल्याचा गुन्हा दाखल केला असून सहायक पोलीस निरीक्षक शिंदे तपास करीत आहेत.

Post a Comment

0 Comments
* Please Don't Spam Here. All the Comments are Reviewed by Admin.

Ads Area