नराधम बापाचं घृणास्पद कृत्य; अल्पवयीन मुलीवर ९ महिन्यांपासून करत होता अत्याचार

 

इंदूर: मध्य प्रदेशातील इंदूरमध्ये धक्कादायक घटना उघडकीस आली आहे. नराधम बापानेच १५ वर्षीय मुलीवर अत्याचार केले. या कृत्यामध्ये त्याला भाडेकरूनेही मदत केल्याचा आरोप आहे. मुलगी सात महिन्यांची गर्भवती राहिली. त्यानंतर हे प्रकरण उघडकीस आले. या प्रकरणी पोलिसांत तक्रार दाखल केली. पोलिसांनी आरोपी बापाला आणि भाडेकरूला अटक केली.

खजराना पोलीस ठाण्याचे प्रभारी दिनेश वर्मा यांनी सांगितले की, पीडित मुलगी सात महिन्यांची गर्भवती आहे. तिची आजी तिला सोबत घेऊन पोलीस ठाण्यात एफआयआर नोंदवण्यासाठी आली होती. तक्रारीनुसार, मुलीच्या ३६ वर्षीय बापाने दारूच्या नशेत मुलीवर अत्याचार केले. त्यानंतर त्यांच्या घरात राहणाऱ्या भाडेकरूनेही तिच्यावर पाच ते सहा वेळा अत्याचार केले.

पोलिसांनी सांगितले की, दोन्ही आरोपींना अटक केली आहे. मात्र, मुलीवरील अत्याचाराबाबत दोघांच्या कृत्याची माहिती त्यांना नव्हती, असा दावा आरोपींनी केला आहे. मुलगी सात महिन्यांची गरोदर राहिली. याबाबत तिच्या कुटुंबीयांना माहिती नव्हती का, त्यांनी हा गुन्हा लपवण्याचा प्रयत्न तर केला नाही ना, याचा तपास आता पोलीस करत आहेत. यावर्षी मार्चपासून मुलीवर अत्याचार सुरू होते. पीडित मुलीचे समुपदेशन करण्यात येणार आहे, असेही पोलिसांनी सांगितले.

Post a Comment

0 Comments
* Please Don't Spam Here. All the Comments are Reviewed by Admin.

Ads Area